الأخيرة - الاردن

اغنيه عمر العبداللات

اهديها لعبير عمري

الأخيرة

شيخة الحور وقمرهن
بيضهن واحلى سمرهن
واجمل اجمل من عرفت من العذارى
واكمل اكمل من مشت بين العذارى
والمحال الممكن والصعب والسهل
البعيد اللي وصل
وشهقة الشعر وزفيره
والاخيره
*****
ريحيني من ابو زيد الهلالي
والملوح قيس
اقلبي التاريخ في عيوني تعالي
واشرقي بلقيس .
وامنحيني في الشهر حصة غرام
درسيني في مجازات الكلام
علميني الفرق
بين المبتدا.. وبين الختام

*****
ازعلي مااقول حدّك
سافري في كل وقت لديرة عنادك وصدك
مزقيني
انزفيني
عاتبيني من يصدك??
اه يازين العتب لامن تحدر فوق خدك !!
واه ياحلو الرضى عقب انفعالك وشّدك

******
من شمال اقبلت اسابق في طموحي
احسب الدنيا طموحي
احسب القصوى طموحي
لين جيتي وابتدا فعلاً طموحي .
انغرستي بين مااشوفه وشوفي
وبين رغباتي وعزوفي
وبين جثماني وروحي .
كنك بصوتي الحروف الابجدية
والملامح والهوية
والتعابير الصغيرة و العشيره
صدقيني ..
انتي اول من عشقت من النسا وانتي الاخيرة

******
كل انثى غيرك بعيني سراب
وكل منفى غيرك اوجاع وعذاب
وكل حب غير حبك ما ابيه
وكل درب غير دربك ما ابيه
وكل طير ماشدى باسمك كذوب
وكل فجر مااشرق برسمك شحوب
وكل شاعر ماقصد لاجلك لعوب
وكل عين ماقرت حسنك ضريره
سيرتك اغلى كتاب ..
وبيدي الطبعة الاخيرة

******

صورتك، في كل صبح لي جريده
وهجها اسرار واشعار ونشيده
ورحلة فوق السحاب
وسلة ورود جديدة .
ياملاك جاوز ادراك البشر
من سقى الضي القمر
ومن عطى اللحن الوتر
ومن ملا وحشة حياتي
وعطر انفاس الزهر؟
ومن نثر فيني فصوله
ولمني بين الطفوله والرجولة غير طيفك
لادنت حزّة وصوله .. بالمواعيد الأخيرة .
*******